Skip to main content

Öll vinna á vegum HHB er unnin af sjálfboðaliðum

 

100% af því sem safnast fer alltaf beint til barnanna

Tilgangur

Tilgangur félagsins er að veita íslenskum grunnskólabörnum stuðning og aðstoða þau sem líða skort

Markmið

Markmið HHB er að stuðla að því að grunnþarfir og nauðsynjar séu uppfylltar í grunnskólum

Trúnaður

Við viljum alls ekki vita hvaða börn hljóta aðstoð félagsins, bara hvernig við getum hjálpað þeim

Samstarf

Það er oft starfsfólk grunnskólana sem eru í bestri aðstöðu til að sjá hvaða börn þurfa á aðstoð Hróa Hattar að halda

Hjálpaðu okkur að hjálpa börnunum 🙂

2056

Styrkir frá upphafi

111

Grunnskólar í samstarfi

23795172

Greitt frá upphafi

Nýjustu fréttir

Fréttir
desember 19, 2023

Stúka nr. 18 Ari fróði Afhenti styrk – kr. 350.000

Á myndinni tekur Sveinbjörn Sveinbjörnsson ( vinstri ) á móti styrknum sem Ingimar Ólafsson afhenti ( hægri ) Í dag afhenti stúka nr. 18, Ari fróði styrk upp á kr. 350.000 Við hjá Hróa Hetti þökkum kærlega fyrir styrkinn sem mun svo sannarlega koma sér vel.
Fréttir
desember 12, 2023

Kiwanisklúbburinn Sólborg styrkir HHB um kr. 250.000

Mánudaginn 12. Desember 2023 styrkti Kiwanisklúbburinn Sólborg Hróa hött myndarlega með greiðslu upp á kr. 250.000. Við kunnum þeim dömum hjá Sólborg bestu þakkir fyrir en það var Jón Trausti Snorrason, ritari HHB sem mætti og tók formlega við styrknum. Styrkurinn var veittur á Jólafundi Kiwanis klúbbsins og dýrindis matur…
Fréttir
desember 11, 2023

500.000 kr. styrkur frá Oddfellowstúku nr. 12 – Skúli fógeti

Á myndinni hér að ofan, talið frá vinstri: Þórarinn Gunnarsson, Yfirmeistari, Jón Trausti Snorrason, ritari Hróa Hattar og Ólafur Th. Ólafsson, Undirmeistari. Oddfellowstúkan Skúli fógeti styrkir Hróa Hött um kr. 500.000 Oddfellowstúkan nr.12 Skúli fógeti samþykkti á fundi s.l. sunnudag að veita Hróa hetti barnavinafélagi 500.000 króna styrk og er…
Allar fréttir

Hvað er HHB?

Hrói Höttur Barnavinafélag eru félagasamtök venjulegs fólks sem er umhugað um velferð grunnskólabarna. Félag var stofnað í janúar 2011 og hefur það að markmiði að styðja fjárhagslega við bakið þeim grunnskólabörnum sem líða skort á einhvern hátt og hafa ekki sömu lífsgæði og bekkjasystkyni þeirra.

Við erum EKKI

Við erum EKKI stórt félag. Við komum EKKI í staðin fyrir einhver önnur úrræði á vegum ríkis eða skóla. Við sækjumst ekki eftir upplýsingum um hvaða börn hljóta aðstoð félagsins. Starfsfólk félagsins fá EKKI greitt fyrir sitt vinnuframlag. Við sættum okkur EKKI við að börn á Íslandi séu afskipt, og njóti ekki sömu lífsgæða og aðbúnaðar og þeirra bekkjafélagar.

Hver er þörfin?

Sum skólabörn mæta aldrei með nesti í skólann, sum fá ekki afgreiðslu í skólamötuneytinu því reikningarnir hafa ekki greiddir. Sum börn eiga ekki úlpu, vettlinga, kuldaskó eða jafnvel skólabækur. Sum börn fá ekki að vera í heilsdagsskóla.

Getur þú hjálpað?

Ef þú vinnur í grunnskóla, þá getur þú gert góðverk með því að fylgjast með og láta okkur vita næst þegar þú sérð barn sem líður einhvern skort! Ef þú ert bara vel hugsandi Íslendingur, þá getur þú hjálpað okkur að með fjárframlögum.

Sögurnar

Við erum þakklát fyrir hjartahlýjar kveðjur og þakkir sem við fáum reglulega

Kynning ykkar í Rimaskóla á sama tíma fyrir ári risti djúpt í hugum okkar sem störfum í grunnskóla, þá í nálægð jólanna. Ekki flókin hugmynd, einlæg og sannfærandi. Skólinn fékk síðan fljóta og góða afgreiðslu þegar á reyndi enda treysti ég skólum til að reyna á ykkar hjálp af sanngirni

Skólastjóri Rimaskóla

Nemendur okkar hafa átt hauk í horni þar sem þið eruð. Um leið og við þökkum þann stuðning vonumst við til áframhaldandi góðu samstarfi. Með bestu kveðjum, Hreiðar Sigtryggsson

Skólastjóri Langholtsskóla

„Ég er kennari í grunnskóla í Kópavogi, ég var að láta nemanda minn fá númer frá Skólamat því þið borguðuð áskriftina fyrir hana.

Hún brosti allan hringinn, ljómaði öll, hún var svo glöð að fá númer til að stimpla inn eins og hinir krakkarnir. Ég hef verið að sækja mat fyrir hana í hádeginu því hún var svo stressuð yfir að vera ekki í áskrift. Við skrifum númerið á úlnliðinn á þeim á meðan þau eru að læra það og hún hefur verið að laumast til að kíkja á númerið sitt í allann morgun.

Þúsund þakkir fyrir að hjálpa þessari ljúfu og góðu stelpu, takk! „

Kennari í ónefndum grunnsklóla í Kópavogi
Viltu hjálpa okkur?

Ég vil hjálpa!

Viltu senda okkur tölvupóst?

Senda fyrirspurn!

Vinir Hróa

Þetta eru vinir Hróa Hattar og hjálpa félaginu með ýmsu móti - Takk fyrir hjálpina!