Öll vinna á vegum HHB er unnin af sjálfboðaliðum

 

100% af því sem safnast fer alltaf beint til barnanna

Tilgangurinn

Tilgangur félagsins er að veita íslenskum grunnskólabörnum stuðning og aðstoða þau sem líða skort

Markmiðið

Markmið HHB er að stuðla að því að grunnþarfir og nauðsynjar séu uppfylltar í grunnskólum

Persónuverndin

Við viljum alls ekki vita hvaða börn hljóta aðstoð félagsins, bara hvernig við getum hjálpað þeim

Hjálparhellurnar

Það er oft starfsfólk grunnskólana sem eru í bestri aðstöðu til að sjá hvaða börn þurfa á aðstoð Hróa Hattar að halda

Hjálpaðu okkur að hjálpa börnunum 🙂

514
Fjöldi styrkja frá upphafi

því þörfin er mikil

Við erum í samstarfi við meira en 17 grunnskóla og fjöldi barna sem við hjálpum, vex ár frá ári!

Hvað er HHB?

Hrói Höttur Barnavinafélag eru félagasamtök venjulegs fólks sem er umhugað um velferð grunnskólabarna. Félag var stofnað í janúar 2011 og hefur það að markmiði að styðja fjárhagslega við bakið þeim grunnskólabörnum sem líða skort á einhvern hátt og hafa ekki sömu lífsgæði og bekkjasystkyni þeirra.

Við erum EKKI

Við erum EKKI stórt félag. Við komum EKKI í staðin fyrir einhver önnur úrræði á vegum ríkis eða skóla. Við sækjumst ekki eftir upplýsingum um hvaða börn hljóta aðstoð félagsins. Starfsfólk félagsins fá EKKI greitt fyrir sitt vinnuframlag. Við sættum okkur EKKI við að íslensk börn séu afskipt, og njóti ekki sömu lífsgæða og aðbúnaðar og þeirra bekkjafélagar.

Hver er þörfin?

Sum skólabörn mæta aldrei með nesti í skólann, sum fá ekki afgreiðslu í skólamötuneytinu því reikningarnir hafa ekki greiddir. Sum börn eiga ekki úlpu, vettlinga, kuldaskó eða jafnvel skólabækur. Sum börn fá ekki að vera í heilsdagsskóla.

Getur þú hjálpað?

Ef þú vinnur í grunnskóla, þá getur þú gert góðverk með því að fylgjast með og láta okkur vita næst þegar þú sérð barn sem líður einhvern skort! Ef þú ert bara vel hugsandi Íslendingur, þá getur þú hjálpað okkur að með fjárframlögum.

Nýjustu fréttir

Forseti Íslands er verndari Hróa

mars 29, 2017

Forseti Íslands, Guðni Th. Jóhannesson, hefur samþykkt að vera verndari Hróa Hattar. Það sem þetta þýðir fyrir okkur sem lítið félag sem byggir 100% á sjálfboðavinnu, er að við höfum nú hauk í horni og þetta mun gefa félaginu og vinnu þess meira vægi, meiri alvöru og segir að starf…

Forseti Íslands hittir Hróa Hött

mars 8, 2017

Í dag lögðum við hjá Hróa Hetti leið okkar til Forseta Íslands. Markmiðið var að kynna félagið fyrir Forsetanum og ræða ýmsar hugmyndir og lausnir er gætu hjálpað félaginu til að vaxa og dafna. Fundurinn var léttur og góður og aldrei að vita nema framhald verði á viðræðum, enda málefnið…

Alheims Auður styrkir Hróa Hött

júní 20, 2016

Í dag styrkti sjóður Alheims Auður, Hróa Hött um 1 Milljón sem munu renna beint í styrktarsjóð HHB. Við hjá Hróa Hetti, þökkum Alheims Auði innilega fyrir styrkinn og hann mun koma sér vel því aldrei hefur verið leitað til okkar eins og nú. — Fréttatilkynning Úthlutun úr samfélagssjóðum Virðingar…

Þakkir

Við erum þakklát fyrir hjartahlýjar kveðjur og þakkir sem við fáum reglulega

"Kynning ykkar í Rimaskóla á sama tíma fyrir ári risti djúpt í hugum okkar sem störfum í grunnskóla, þá í nálægð jólanna. Ekki flókin hugmynd, einlæg og sannfærandi. Skólinn fékk síðan fljóta og góða afgreiðslu þegar á reyndi enda treysti ég skólum til að reyna á ykkar hjálp af sanngirni"

− Skólastjóri Rimaskóla

"Nemendur okkar hafa átt hauk í horni þar sem þið eruð. Um leið og við þökkum þann stuðning vonumst við til áframhaldandi góðu samstarfi. Með bestu kveðjum, Hreiðar Sigtryggsson"

− Skólastjóri Langholtsskóla
Viltu hjálpa okkur?

Ég vil hjálpa!

Viltu senda okkur tölvupóst?

Senda fyrirspurn!

Vinir Hróa

Þetta eru vinir Hróa Hattar og hjálpa félaginu með ýmsu móti - Takk fyrir hjálpina!